Mig flökrar

Enda ekki annað hægt eftir lestur þessarar fréttar. Hvernig, já ég spyr: hvernig getur meirihlutinn sett fram tillögu sem að mun hafa svona gríðarleg áhrif á barnafjölskyldur? Ekki aðeins á að hækka gjald þeirra sem eru með börnin sín í gæslu meira en 8 tíma á dag, heldur á að minnka eða fella niður niðurgreiðslu til dagforeldra og einkarekinna leikskóla.

Hvað með okkur sem erum með börnin okkar á einkareknum leikskólum? Ég mun ekki hafa efni á að nýta þann möguleika að hafa dóttur mína í 9 tíma á leikskólanum - hvað þá ef að niðurgreiðslan verður lækkuð eða felld niður - þá stend ég uppi með himinhá leikskólagjöld sem ég mun einfaldlega ekki geta greitt. Hvað þá?

Er virkilega - VIRKILEGA - ekki hægt að hagræða án þess að það bitni á þeim sem síst eiga það skilið - börnunum okkar.

Mig flökrar við skilningsleysi ráðamanna í þessu landi. Mig flökrar við þeirri spillingu og því aðgerðarleysi sem lýðst hér. Mig flökrar við því að það virðist vera einbeittur vilji ráðamanna að sökkva þeim sem enn halda sér á floti.

Sjálfstæðismenn - þið eruð ágæt í því að láta fólk sjá virkilega eftir að hafa kosið ykkur

 

Leggja til hækkun leikskólagjalda

Athugasemdir

[Palli (IP-tala skráð) 26.5.2009 kl. 23:13]

Hvers vegna er sjálfsagt að borgin niðurgreiði vistun barna umfram 8 tíma? Er ekki fjölskyldum hollt að verja tíma saman? Er sjálfsagt að borgin niðurgreiði 12 tíma vistun? 

[Þórey Birna (IP-tala skráð) 26.5.2009 kl. 23:26]

Mér finnst sjálfsagt að vistun sem er lengri en átta tímar sé dýrari en annar tími. Sjálf er ég leikskólakennari og þekki þennan vistunartíma því á eigin skinni. Aumingja börnin eru búin að vera á leikskólanum frá því fyrir klukkan átta um morguninn, Búin að sjá alla koma í leiskskólann um morguninn og síðan alla fara heim. Mér finnst bara ekkert að því að slíkur "lúxus" tími sem hafður dýrari. Foreldrar ættu að reyna að eyða meiri tíma með börnunum sínum.

[Inga (IP-tala skráð) 27.5.2009 kl. 01:11]

Halló halló!!! Ég er ekki með mitt barn í 9,5 tíma í leikskólanum, 8,5 tími er hámark það sem barnið mitt þarf að vera. Halló!! Mér blöskrar við því að þurfa að greiða dagmömmum um 80-100 þúsund krónur á mánuði fyrir 8 tíma pössun. Allt í lagi að hafa þennan rosalega "lúxus" tíma dýrari, en come on!! Sumir hafa bara ekkert val. Það er að sjálfsögðu val að eignast börn en við barnafólk skrifuðum ekki undir neinn samning um að greiða himinháar upphæðir fyrir að eiga barn í þessu landi.